KULTUUR

By Laerskool Vredenburg kry leerders die geleentheid om hul kreatiwiteit en talente deur kuns, musiek en kultuuraktiwiteite te ontwikkel. Ons moedig deelname aan kunsprojekte, musiekuitvoerings en verskeie kulturele geleenthede aan, waar elke leerder hulself met selfvertroue kan uitdruk. Leerders neem ook jaarliks aan eisteddfods deel, waar hulle hul vaardighede ten toon stel en waardevolle ervaring opdoen.

MUSIEK

KUNS

EISTEDDFOD

KOOR

MUSIEK

Musiek vorm ‘n belangrike deel van ons kultuuraanbod en bied leerders die geleentheid om hul musikaliteit en selfvertroue te ontwikkel. Ekstra musiekklasse word vanaf Graad 1 tot Graad 7 aangebied teen ‘n addisionele maandelikse fooi, met onderrig in blokfluit, kitaar, klavier, sang en slagorkes. Leerders kry ook die geleentheid om aan eisteddfods deel te neem, waar hulle hul talente ten toon stel, waardevolle ervaring opdoen en met selfvertroue op die verhoog presteer.

Mev. Ina van Zyl

KUNS

Kuns bied aan leerders die geleentheid om hul kreatiwiteit, verbeelding en artistieke vaardighede te ontwikkel. Leerders van Graad 3 – 7 kry elke week ‘n kunsperiode van ‘n uur. Ons leerders neem jaarliks aan eisteddfods deel, waar hulle hul kunswerke met trots ten toon stel en waardevolle ervaring opdoen. Vir leerders met ‘n besondere belangstelling en talent in kuns word ‘n Kunsklub ná skool aangebied, waar geselekteerde leerders uit elke graad die geleentheid kry om hul eisteddfod-inskrywings verder te ontwikkel en te verfyn.

Mev. Elma Franzsen

EISTEDDFOD

Eisteddfod vorm ‘n belangrike deel van Laerskool Vredenburg se kultuurprogram en bied aan leerders die geleentheid om hul talente met selfvertroue te ontwikkel en ten toon te stel. Ons neem jaarliks deel aan verskeie afdelings, waaronder gedigte, voordrag, spreekkoor, openbare redenaars, lees, handskrif, kuns en musiek. Met die ondersteuning van toegewyde personeel lewer ons leerders jaar na jaar uitstekende prestasies en behaal hulle gereeld hoë toekennings en uitsonderlike uitslae.

Mnr. JP Herselman

KOOR

LSV beskik oor ‘n Juniorkoor vir Graad 1 tot 3 en ‘n Seniorkoor vir Graad 4 tot 7. Albei kore neem jaarliks aan die Eisteddfod deel en oefen deur die jaar om hul beste tydens die optredes in Augustus te lewer.

Die Juniorkoor oefen gedurende skooltyd, terwyl die Seniorkoor twee keer per week voor skool bymekaarkom. Benewens gereelde oefeninge woon die Seniorkoor ook werkswinkels by waar leerders hul sangtegniek verder ontwikkel en verfyn.

Juniorkoor afrigter: Mev. Liezl Nel

Seniorkoor afrigter: Mev. June de Kock