LAERSKOOL VREDENBURG SE GESKIEDENIS
Die eerste skool op ons dorp was eintlik ‘n plaasskooltjie en is in 1880 gestig. Daar was ‘n skoolhoof en een onderwyseres en die leerders het nie ‘n skooluniform gedra nie. In 1923 is die eerste hoërskool op Vredenburg gestig. Mnr. J. P. A. Lochner was die eerste skoolhoof van hierdie skool. Die hele skool was van Graad 1 tot Graad 12. Daar was nie ‘n saal gewees nie en die leerders het bymekaargekom waar die tuintjie vandag is. Daar is vandag ‘n gedenksteen van marmer teen die mediasentrum se muur vir Mnr. Lochner se toegewyde diens aan kinders en die gemeenskap.
Uitknipsels van 1971 se prysuitdeling
Die laaste jaar voordat die hoër- en laerskool geskei is, was die prysuitdeling gehou om 2 Desember 1971.
Die oorspronklike aanstellingsbrief van wyle Mnr. Willa Verster
Dit is bitter min dat mens steeds in die argiewe kan krap en die heel eerste skoolhoof se aanstellingsbrief kan opspoor. Lees gerus!
'n Voorbeeld van die 1996 Kwarteltjie
Die kwarteltjie was die skoolkoerant van die laerskool. Die naam het mettertyd verander na die Windmakertjie. As jy mooi lees sal jy selfs iemand bekend sien!
Die laerskool en hoërskool word van mekaar geskei.
In 1972 het Graad 8 tot Graad 12 na ‘n nuwe gebou langsaan getrek. Die Laerskool Vredenburg en Hoërskool Vredenburg was nou twee aparte skole met elkeen sy eie skoolhoof. Mnr. W. C. Verster was die eerste skoolhoof van hierdie laerskool. Omdat hy so ‘n uitstaande skoolhoof, leier en opvoeder was, is ons skoolsaal later na hom vernoem.
Die Tydlyn van ons skool
1880 |
Eerste Regeringskool begin met 5 leerlinge. |
1918 |
Die skool is gesluit weens a griep epidemie. |
1923 |
Verander na Hoërskool Vredenburg (gr. 1 – gr. 12) |
1932 |
Prof. Blommaert ontwerp die Skoolwapen.C.J. Langenhoven verander die leuse na die huidige. |
1946 |
Die eerste busdiens van Flaminkvlei. |
1949 |
J.P.A. Lochner skryf en toonset die Skoollied. |
1961 |
Skoolgebou word herbou. |
1969 |
Fondasie vir die nuwe Hoërskool word gelê. |
1971 |
Skeiding van Laer- en Hoërskool met 960 leerlinge. |
1972 |
Nou is daar 2 skole… `n Laerskool en `n Hoërskool.Skoolfooie was R3 per leerder per kwartaal. |
1974 – 1976 |
Aangesien die seuns van die laerskool- en hoërskoolrugbyspanne almal opdie huidige klein rugbyveldjie moes oefen, het ouers en leerders graspolleskool toe gebring en is die huidige rugbyvelde deur harde werk ontwikkel.Die Sishen-Saldanha Projek is begin. Daar is `n groot toevloei van nuwe leerders – almal met vreemde tale en kulture. |
1978 |
Die gange by die Graad 1- en 2- klasse word toegebou. (dit was eers stoepe)Die huidige tuintjie tussen daardie klasse was `n teerblad waar provinsialedwergtennistoernooie aangebied is.In 1978 word hierdie teerblad deur die leerders self opgekap om plek te maak vir `n pragtige tuin wat deur een van die ouers uitgelê is. In hierdie tyd word die biblioteek ook gebou. |
1980 |
Die swembad word ingerig teen `n koste van R118 000. |
1986 |
Die sportklub word gebou en kry die naam van Mooimeisiesfontein.Mooimeisies was `n vissersboot van St Helenabaai wat gesink het.Die naambord en stuur word aan die Laerskool geskenk en kry `n laasterusplek in die nuwe sportklubhuis. |
1988 |
Die geboue word gemoderniseer – kantore en mediasentrum word voltooi.`n Rekenaarklas word geskep. `n Eerste vir die platteland! |
1994 |
Die Gr. 4/5 skuif na `n nuwe gebou (vandag bekend as C-Max). |
1996 |
Mnr. W.C. Verster tree af en Mnr. A. Müller is die nuwe skoolhoof.Daar is ‘n 1000 leerders in die skool. |
1999 |
Voorportaal word verander en die kombuis kry `n nuwe baadjie.Tennisbane word opgegradeer. |
2003 |
Die swembad kry `n splinternuwe glasveselbodem. |
2005 |
Ons kry `n nuwe snoepie Pokkelpensie.Nuwe sportkleedkamers word gebou. |
2006 |
Ons samel R250 000 in met `n wynveiling en in 2007 kon die lint geknip word van `n splinternuwe rekenaarsentrum!Groot opgraderings aan ons netbalbane en krieketfasiliteite volg. |
2007 |
Ons skool word nuut omhein waarop ons baie trots is. |
2008 |
Paviljoene word vergroot en mobiele paviljoene sien ook die lig. |
2010 |
Die graad 3-klasse trek in hulle splinternuwe gebou in. |
2011 |
Nuwe sonskerms voor vensters is `n “koel” aanwins! |
2012 |
Veranderinge aan “Mooimeisiesfontein”, ons sportklubhuis, begin. |
2017 |
Die skoolatletiek word afgestel en geen swem word toegelaat, a.g.v. die droogte. |
2018 |
Nuwe dataprojektors word in klasse installeer.Tennisbane se oppervlakte en opgraderings (R1,3 miljoen)Skootrekenaars en dataprojektors word in die hele skool gebruik. |
2019 |
WKOD installeer optiese vesel as WCGSCHOOLS program.WKOD infrastruktuur opgradering:– Alle vensters voor die skool– Nuwe toilette, urinale en wegvoerpype |
2020 |
Verf van skoolgebou na opgradering (R290,000)Addisionele elektrisiteitsaanleg vir kantore. |
2022 |
Skool vier 50 jaar bestaan.Gala-aand word gehou op 11 Junie 2022 – Togryersvlei.Mnr. en mev. Müller tree af in Junie 2022 |