Tydens kwartaal 1 en 4 neem ons skool deel aan somersporte.
By Laerskool Vredenburg glo ons in die goeie holistiese ontwikkeling van u kind.
Somersporte wat deur ons skool aangebied word sluit atletiek, krieket, mini-krieket, swem, tennis, asook tweekamp in. Ons leerders kompeteer selfs op nasionale vlak in hierdei sporte. Dit is egter nie net die leerders nie, maar ook ons onderwysers!
ATLETIEK
Atletiek is een van Laerskool Vredenburg se spogsporte. Ons skool neem op die hoogste vlak deel en lewer jaarliks uitstekende resultate. Ons afrigters en onderwysers is ook jaarliks betrokke by besture tot op nasionale vlak.
Een van ons bekendste atlete sal sekerlik Gezelle Magerman wees.
Die byeenkomste sluit die volgende in:
Weskus (dorp), Saldanhabaai, Wes-Boland Kampioenskappe, Boland Kampioenskappe, Wes-Kaap Kampioenskappe, Cherrylane - Gericke Atletiekbyeenkoms, Bredasdorp Top 10 Atletiekbyeenkoms en die Suid-Afrikaanse Kampioenskappe.
KRIEKET
Laerskool Vredenburg bied krieket vanaf o/11 aan. Ons krieket neem deel aan ons plaaslike Weskusliga wat ten minste 8 skole in die omtrek insluit. Ons toer ook jaarliks na Kaapse skole soos Bellpark.
MINI-KRIEKET
Ons jongste krieketspelers begin al vanaf die ouderdom van 7 jaar. Ons mini-krieket neem deel aan 'n plaaslike liga wat geborg word deur KFC.
Ons krieketspelers word talle geleenthede gebied - selfs om te gaan krieket kyk op Nuweland!
SWEM
Laerskool Vredenburg beskik oor ons eie half-olimpiese standaard swembad. Ons swemgeriewe word nie net deur ons swemmers en tweekampatlete gebruik nie, maar ook deur ons MBK (menslike bewegingskunde) opvoeders tydens skoolure.
Ons bied jaarliks twee groot gala's aan wat bygewoon word deur meer as 10 skole.
TWEEKAMP
Laerskool Vredenburg beskik nie net oor atlete nie, maar selfs Nasionale afrigters...wat ook onderwysers is! Ons tweekamp atlete kompeteer op nasionale vlak en word geleenthede gebied om oral deel te neem.
TENNIS
Laerskool Vredenburg het in totaal 4 tennisbane. Ons oppervlaktes is in 2019 splinternuut oorgedoen. Ons hoof oefengroepe sluit juniors en seniors in wat ons tydens somermaande in skoolure ook afrig.
