Die huidige skool bestaan uit meer as ‘n 1000 leerders onder die bekwame leiding van 60 fenominale onderwysers en ondersteunings personeel. Ons is ‘n parallelmedium skool wat Afrikaans en Engels as Huistaal aanbied.
Ons waardes 1) SELFVERTROUE – ek is uniek 2) RESPEK – vir ander en myself 3) INTEGRITEIT – my woord is my eer 4) VOORTREFLIKHEID – elke dag my beste en 5) BETROKKENHEID – omgee vir my medemens en omgewing, beskryf ons skool se karakter en atmosfeer.
Die standaard van ons skool se akademie is ons eerste prioriteit. Die bestuurstruktuur en onderrigprogram is so ontwerp dat elke leerling ten beste daarby baat vind en dat die vlak van onderrig verseker dat ons op die hoë standaarde van ons trotse verlede voort bou.
Hier by Vredenburg Laerskool streef ons om nie net ons leerders te leer nie, maar om hulle ook holisties te ontwikkel.
Ons skool bied vele kulturuele en sportgeleenthede aan.
Laerskool Vredenburg presteer graag op die sportgebied. Ons speel plaaslik asook reg rondom die kontrei om ons leerders ‘n regverdige geleentheid te bied om te presteer.
